Энэтхэг, ХП, Дарамсала, Тэгчин Чойлин хийд - Эдинбургийн гүн, хунтайж Филипийг таалал төгссөнийг дуулаад Дээрхийн Гэгээнтэн Далай Лам Их Британи, Умард Ирландын Нэгдсэн Вант Улсын хатан хаан II Элизабет болон хун тайж Чарльз нарт эмгэнэл илэрхийллээ.
Дээрхийн Гэгээнтэн хатан хаан II Элизабетэд илгээсэн эмгэнэлийн захидалдаа “Таны хань, Эдинбургийн гүн, эрхэм дээдэс хун тайж Филип бээр насан эцэслэснийг дуулаад эмгэнэн гашуудаж байна. Би хойдын буянд нь зориулж залбирал ерөөл өргөхийн зэрэгцээ, эрхэм дээдэс танд болон таны гэр бүлд гүн эмгэнэл илэрхийлье. Эрхэм дээдэс хун тайжыг санан дурсах бүрдээ бид түүнийг утга учир дүүрэн бөгөөд сайн сайхан амьдарсанд нь даган баясаж байх болно” гэжээ.
Хун тайж Чарльзад бичсэн захидалдаа “Би таны ээж, эрхэм дээдэс хатан хаанд захидал илгээж эмгэнэлээ илэрхийлсэн билээ. Эрхэм дээдэс таныг хүндэт анд нөхрөө хэмээн үздэгийнхээ хувьд би Танд болон танай гэр бүлд гүн эмгэнэл илэрхийлж байна. Хун тайж, Эрхэм дээдэс, гүн бээр утга учир дүүрэн, сайн сайхан амьдралыг туулж өнгөрүүлсэнд нь бид бүгд даган баясах учиртай юм.” хэмээн дурджээ.