АНУ, Висконсин, Мадисон. 2016.03.05 - Цас шөнөжин орсон учир юмс бүгд цав цагаан, агаар тунгалаг сайхад өдөр Дээрхийн Гэгээнтэн Далай Лам Бугын цэцэрлэг (Дийр Парк)-т хүрэлцэн ирэв. Төвөд голдуу 300 гаруй хүн түүнийг угтсан юм.
Дээрхийн Гэгээнтэн Далай Лам Бугын цэцэрлэгт хүрэлцэн ирэх үедээ
түүнийг угтсан хүмүүстэй мэндэлж байгаа нь. АНУ, Висконсин,
Мадисон. 2016.03.05. Гэрэл зургийг Жерреми Расселл (ДЛО)Дээрхийн Гэгээнтэн Далай Лам баяр баяслаар дүүрэн хүмүүсийн зүг гар даллан мэндэлж, ялангуяа өөрийн хуучин анд нөхдийг харж байгаадаа баяртай байлаа. Төвөд иргэд уламжлалт таши шолба бүжиг бүжиж, залуучууд уламжлалт ёсын дагуу замбаа гурил барин угтсан юм.
Дээрхийн Гэгээнтэн Далай Лам энд гэвш Ланри Танбагийн "Оюун судлахуйн найман бадаг" номыг тайлбарлан айлдах ба өнөөгийн дэлхий дахинд хэрхэн сайн хүнийг бий болгох талаар хэлэлцүүлэг өрнүүлэх болно.
