Дээрхийн Гэгээнтэн XIV Далай Ламын хилийн чинад дахь анхны айлчлал нь 1954 онд байлаа. Тэрээр нэг жил орчим Хятадад морилсон байна. Энэ айлчлалаар Хятадын олон удирдагчидтай уулзсан бөгөөд Хятадын олон газар орноор явжээ. 1956 онд Энэтхэгийн Махабоди холбооны урилгын дагуу Бурхан Багш мэндэлсний 2500 жилийн ойд оролцохоор Энэтхэгт морилсон нь түүний хоёр дахь удаагийн гадаад айлчлал байв. Үүнээс хойш гурван жилийн дараа буюу 1959 онд Төвөд дэх Хятадын эзлэн түргэмгийлэх хүнд нөхцөл байдлаас зугатан гарч Энэтхэг улсад цагаачлахаар морилжээ. Энэ цаг үеэс эхлэн түүний цагаач амьдрал эхэлсэн юм.
Цагаачлах үеийн эхний он жилүүдэд Дээрхийн Гэгээнтэн Далай Лам хэдэн мянган төвөд цагаач нарын амьдралыг сэргээн босгох ажилд анхаарлаа хандуулж Энэтхэгийн олон газруудад шинээр бүтээн босгож буй дүрвэгсэдийн тосгонуудаар олон удаа морилж байлаа.
Ингээд Энэтхэгт цагаачлан гарсан цагаас хойш анх удаа 1967 онд хилийн чинадад айлчилсан нь Япон, Тайланд орнууд байв. Үүний дараа 1973 онд барууны оронд буюу Европын арван хоёр улс орноор 75 хоногийн турш айлчлав.
Түүний Америк дахь анхны айлчлал нь 1979 онд байсан бөгөөд энэ үед Америк, Канадад айлчилсан байдаг. Дээрхийн гэгээнтний айчлалын талаарх товч мэдээллийг доорх холбоосоор үзнэ үү.
2010 - Өнөөг хүртэл
2000 - 2009
1990 - 1999
1980 - 1989
1959 - 1979
