Энэтхэг, Шинэ Дели – Дээрхийн Гэгээнтэн Далай Лам Америкийн конгрессийн даргын сонгуульд нэр дэвшиж ялалт байгуулсан хатагтай Нанси Пелосид баяр хүргэн захидал илгээлээ. Тэрээр АНУ нь чөлөөт ертөнцийн тэргүүлэх орон тул өнөөгийн хэцүү цаг үед конгрессийн дарга нэлээдгүй чухал үүрэгтэй байх болно гэдэгт итгэлтэй байгаагаа дурдсан байна.
Тэрээр мөн захидалдаа спикер, хатагтай Пелоситой эртнээс дотно нөхөрлөж ирсэн тухайгаа дурдаад өнгөрсөн он цагийн уртад Төвөдийн ард түмний төлөө түүний хийсэн гавьяаг санан дурсаж, ямагт талархаж явдагаа илэрхийлэв.
"Таны анд нөхөрлөл, тус дэмжлэг тань бидний түүхэн дэх хамгийн хүнд хэцүү цаг үеэ даван туулахад итгэл найдвар, сэтгэлийн тэнхээ, урам зоригийн эх үндэс болж, шудрага үнэн, эрх чөлөөний төлөөх тэмцлийн хүч чадлыг бидэнд өгсөн юм.”
"Бид өнөөгийн дэлхий дахинд болж буй олон үйл явдлын гэрч болж байна. Ялангуяа Төвөд дэх нутаг нэгтнүүдийнхээ зовлон зүдгүүрийг бид харж байна. Туйлын үнэн, чин шудрага ёс, хүний эрхийн асуудал эцэстээ биелэлээ олно гэдэгт би итгэлтэй, өөдрөг байр суурьтай хэвээр буй билээ.”
