Энэтхэг, ХП, Дарамсала-Тэнбочэ Ринпоче Агваан Тэнзин Санбу 86 настайдаа таалал төгссөн тухай мэдээг хүлээн авч Дээрхийн Гэгээнтэн Далай Лам Тэнбочэ хийдийн хуврагуудад эмгэнэл илэрхийлэв.
Тэрээр захидлаа “Шерпа ахан дүүс минь,” хэмээн эхлүүлжээ. Түүнийг Сиккимд зочилж байхад нь Тэнбочэ ринбочэ өөртэй нь уулзахаар ирж байсныг санаж дурсжээ. Мөн Ринпочэгийн даруу зан, бусдын төлөө чин сэтгэлээсээ зүтгэх зүтгэл нь түүнийг хэрхэн утга учиртай амьдрахыг харуулсан үлгэр жишээ байсан хэмээн тэмдэглэсэн байна.
“Тэрээр хэдий нинма уламжлалыг голчлон баримталдаг байсан ч Төвөдөд сурч байх үедээ бусад олон уламжлалын багш нарын сургаал, номыг сонсч суралцсан юм. 1957 онд Тэнбочед буцаж ирээд хамбын үүргээ гүйцэтгэх үедээ лам хуврагуудыг зөвхөн сурч, дадлага хийх бус орон нутгийн иргэдтэй идэвхитэй харьцахыг уриалж байсан билээ.”
"Ринпочэ тэрээр Хүмбүгийн хөндийд мод тарих санаачилга, бүс нутгийн оршин суугчдад байгаль орчноо хамгаалах санаачлагыг өрнүүлсэн зэрэг нь олны талархлыг хүлээж байлаа. Арван тав гаруй жилийн өмнөөс тэрээр байгалийн баялгийг хэт их ашигласнаар орон нутгийн усан хангамж буурах эрсдэлд орохыг анхааруулж байсан юм.Олон жилийн турш Эверестэд хийсэн экспедицүүдэд оролцсон хэд хэдэн уулчин Тэнбоче Ринбочэгийн оргил руу явахдаа түүний өгсөн зөвлөгөөг үргэлж санадаг байснаа надад ярьж билээ. 1989 онд Тэнбочэ хийд шатахад олон хүн түүний санаачлагаар барилгыг сэргээн босгох ажилд хүчин чармайлт гаргасныг би мэдээд баяртай байна.”
Дээрхийн Гэгээнтэн эцэст нь түүнийг бидэнтэй хамт байхаа больсон ч өдгөө бидний зүгээс түүнд өгч чадах хамгийн сайн хүндэтгэл бол түүний бидэнд үлгэрлэн харуулсан амар тайван, сайхан сэтгэлийг хөгжүүлэх явдал юм хэмээгээд захиагаа өндөрлөсөн байна.
