Энэтхэг улс, ХП, Дарамсала - Тайваний ерөнхийлөгч асан Ли Тэн Хуй таалал төгссөн тухай мэдээг хүлээн авсны дараа Дээрхийн Гэгээнтэн Далай Лам түүний бэлэвсэн эхнэр Цэн Вэн Хуй болон түүний гэр бүлийн гишүүдэд эмгэнэл илэрхийлэн захидал бичлээ.
Тэрээр захидалдаа: "Таны мэдэж байгаачлан би 1997 онд Тайваньд анх удаа зочлох үедээ ард түмнээс анх удаа сонгогдсон Тайванийн ерөнхийлөгч танай нөхөртэй уулзах хүндтэй завшаан тохиосон юм. Дараа нь бид Тайваньд болон Энхтайвны форум дээр дахин уулзалдсан тэр цагаас хойш би түүнийг өөрийн найз минь хэмээн үздэг байлаа.”
“Тайваний ардчилсан хөгжилд оруулсан хувь нэмэр нь түүний онцгой ололт, амжилт байв. Өнөөдөр Тайвань улс соёлын баялаг өвтэй, эрчимтэй, цэцэглэн хөгжиж буй ардчилсан улс болжээ. Түүнд үзүүлэх бидний хамгийн сайн хүндэтгэл бол түүний зориг, шийдэмгий байдлыг санаж, ардчиллын төлөө тууштай зүтгэснийг даган дуурайх явдал юм."
Ерөнхийлөгч Ли Тен Хуй нь Төвөдийн ард түмнийг дэмжихийн тулд чадах бүхнээ хийсэн гэдгийг Дээрхийн Гэгээнтэн онцлон дурджээ.
