Энэтхэг, ХП, Дарамсала - Өнөөдөр өглөө Дээрхийн Гэгээнтэн Далай Лам Жое Байденд АНУ-ын дараагийн ерөнхийлөгчөөр сонгогдсонд нь баяр хүргэж, захидал бичлээ.
"Би АНУ-ын эрх чөлөөт нийгмийн билэг тэмдэг, ардчилал, шашны эрх чөлөө, хуулиа дээдлэх байдлыг удаан хугацааны турш хүндэтгэн биширч ирсэнийг минь та мэдэж буй биз ээ. Хүн төрөлхтөн чөлөөт ертөнцийн удирдагч болох АНУ-ын ардчилсан үзэл баримтлал, манлайлалд ихээхэн найдвар тавьдаг. Ялангуяа эдгээр хүнд хэцүү цаг үед та ядуурал, шударга бус байдалд шаналж буй хүмүүст илүү тайван ертөнцийг бий болгоход хувь нэмрээ оруулж, тэдэнд тайвшралыг авчирна гэдэгт найдаж байна. Олон асуудлыг яг л дэлхийн цаг уурын өөрчлөлттэй адил шийдвэрлэх хэрэгцээ зайлшгүй тулгамдаж байна.”
“Камала Харрис гэх эмэгтэйг Дэд Ерөнхийлөгчөөр сонгосонд тань мөн талархаж буйгаа илэхийлье.”
“Цөллөгт байх үедээ Төвөдийн улс төрийн удирдлагыг сонгох үед би өөрийн улс төрийн эрх мэдлээ шилжүүлсэн билээ. Эдүгээ би хүний үнэт зүйлс, шашны эв нэгдэл, хүчирхийлэлгүй, энэрэнгүй байх зарчмуудыг сурталчлах олон үүргийг өөртөө хүлээсэн төдийгүй энэ бүхэн нь өнөөгийн дэлхийд маш чухал болсон гэдэгт би бүрэн итгэдэг.”
“Би таныг конгрессд ажиллаж байхдаа Төвөдийн ард түмнийг дэмжиж байсан явдалд болон энэ оны 9 дүгээр сарын мэдэгдэлд тань талархал илэрхийлье. Эртний Буддын, хүн төрөлхтөнд бүхэлд нь ашиг тусаа өгч чадах тэрхүү шашин соёл, энх тайван, хүчирхийлэлгүй, энэрэн нигүүлсэхүй соёлыг хамгаалж, хадгалахын тулд бидний хүчин чармайлтад Америкийн ард түмэн болон үе үеийн ерөнхийлөгчид дэмжиж нөхөрлөн, урам зориг өгч байсан нь Төвдийн ард түмний хувьд аз завшаан билээ. Би Төвөдийн ард түмний нэрийн өмнөөс энэ завшааныг ашиглан ахин талархалаа илэрхийлж байна.”
"АНУ-ын ард түмний итгэл найдвар, хүсэл эрмэлзлийг биелүүлэх, илүү тайван, эв найртай ертөнцөд хувь нэмрээ оруулахад тулгарч буй олон сорилтыг даван туулахад тань амжилт хүсье."
Дээрхийн Гэгээнтэн Далай Лам захидлын төгсгөлд ерөөл залбирал, сайн сайхныг хүссэн байна.
