Энэтхэг, ХП, Дарамсала – Өнөөдөр Дээрхийн Гэгээнтэн Далай Лам Өмнөд Солонгосын ерөнхийлөгч, ноён Мүүн Жай-инд хандан саяхан болсон парламентийн сонгуульд нам нь ялсанд баяр хүргэн захидал бичлээ.
“Солонгосын хойгт энх тайвныг сахиулж байгаа таны шаргуу зүтгэлд би маш их баярлаж байдаг. Солонгос хүмүүсийн таньд хүлээлгэсэн итгэлээр энэ байдлыг хадгалан үлдэх замыг үргэлжлүүлнэ гэдэгт би итгэж байна.”
“Сүүлийн хэдэн саруудад дэлхий ертөнц урьд өмнө нь байгаагүй Коронавирус тахлын сорилтой тулгарлаа. Надад олдсон энэ боломжоор танай оронд коронавирус тархах үед шаардлагатай арга хэмжээг авч зогсоож чадсан таны манлайлалд баяр хүргэж байгааг хүлээн авна уу. Бусад орнуудын дагаж болох чухал жишээг та бий болгож байна.”
“Төвөдүүд бид олон Солонгосчуудыг өөрсдийн найз нөхөд хэмээн үздэгийг та мэдэж байж болох юм. Эртний уламжлалаараа Солонгос улс буддист хүн ам олонтой. Сүүлийн жилүүдэд Энэтхэгт байгуулсан манай сургалтын төвүүдэд Солонгос улсаас ирэх буддистуудын тоо өсөн нэмэгдэж байна. Үүний хажуугаар Энэтхэгт ирсэн Солонгосын буддист ахан дүүстэй уулзах завшаан надад тохиодог.”
Дээрхийн Гэгээнтэн ерөнхийлөгч Мүүн Жай-инд ирээдүйд Солонгосын ард түмний хүсэл эрмэлзэлд хүрч ажиллах амжилтыг хүсэж захиагаа өндөрлөсөн байна.
