Энэтхэг, ХП, Дарамсала – Жаран есөн нас сүүдэр зооглож буй өдрийг тохиолдуулан Дээрхийн Гэгээнтэн Далай Лам Энэтхэг улсын ерөнхий сайд Нарендра Моди-д баярын захидал илгээв. Тэрбээр захидалдаа:
“Танд чин сэтгэлийн угаас эрүүл энх, урт удаан наслахыг хүсэн ерөөе! Энэтхэг орныг зүрх сэтгэлдээ эрхэмлэн дээдэлж явдаг хүний хувьд, дэлхий нийтийг хамран туйлдуулж буй аюулт Ковид-19 цар тахлын үед ч ард иргэдийн дунд ирээдүйг өөдрөгөөр харах итгэл найдвар сэргэж буйг талархан тэмдэглэж байна. Дэлхийн хамгийн их хүн амтай ардчилсан улс болохын хувьд, Энэтхэгт гарч буй ахиц дэвшил нь зөвхөн энэтхэгчүүдэд төдийгүй дэлхийн нийтийн хөгжилд нөлөөлөх хүчтэй билээ.”
“Өнө эртнээс уламжилж ирсэн хүч үл хэрэглэх зарчим буюу ‘ахимса’, түүн дээр суурилсан энэрэнгүй сэтгэл буюу ‘каруна’ нь өнөө ч бидэнд хамаатай байгаагийн дээр дэлхий дахинд чухал ач тустай үзэл санаа юм. Энэ хоёр үзлийг орчин үеийн боловсролын агуулгад нэвтрүүлбэл хожим хүн төрөлхтөнд нэн өгөөжтэй байх болно гэдэгт би гүнээ итгэдэг.”
“Би дэлхийн өнцөг булан бүрт, хүмүүстэй уулзах бүртээ Энэтхэг орныг олон шашин эв найртай, тогтвортой зэрэгцэн оршдог, ардчиллын жинхэнэ үлгэр жишээ болсон улс хэмээн хэмээн бахархан дурддаг.” “Гадаад оронд дүрвэн амьдарч байгаа төвөдүүд бидний хувьд Энэтхэг бол 62 жилийн турш бидний бидний оюун санааны төдийгүй амьдран суух орон гэр минь болсоор ирлээ. Энэ завшааныг ашиглан, биднийг халуун дотноор хүлээн авсан Энэтхэгийн Засгийн газар, ард түмэнд чин сэтгэлийн талархал илэрхийлье! Таны төлөө бид ерөөл залбирлаа зориулж буй.” гэжээ.
