Энэтхэг, ХП, Дарамсала – Дээрхийн Гэгээнтэн Далай Лам ЗХУ-ын удирдагч асан, Нобелийн энх тайвны шагналт Михаил Горбачев таалал төгссөнийг өнөө өглөө мэдээд Горбачевийн санд эмгэнэл илэрхийлжээ.
"Би найзынхаа төлөө чин сэтгэлээсээ залбирч, түүний охин Ирина Вирганская болон гэр бүлийн гишүүд, найз нөхөд, дэмжигчдэд нь эмгэнэл илэрхийлж байна" гэж тэр бичжээ.
“Би түүнийг илүү нээлттэй, өөрчлөлтийг нэвтрүүлэх хүчин чармайлт, мөн цөмийн дайныг эсэргүүцэж байсанд нь маш их хүндэтгэлтэй ханддаг байсан. Тэрээр дэлхий дээрх цөмийн зэвсгийн тоог багасгахын төлөө идэвхтэй ажиллаж байсан юм.”
“Олон жилийн турш бид хоёр дэлхийн өнцөг булан бүрт энх тайвны форумд оролцож байхдаа түүнтэй удаа дараа уулзаж байсандаа би баяртай байдаг. Бид ойр дотно харилцаатай байж билээ.”
“Михаил Горбачев бол алсын хараатай, үлгэр жишээ төрийн зүтгэлтэн байсан юм. Тэтгэвэрт гарсны дараа ч тэрээр дэлхий дахинд энх тайван, эвлэрлийг дэмжихийн төлөө тууштай ажилласаар ирсэн билээ. Түүний санаачилсан Нобелийн энх тайвны шагналтнуудын дэлхийн дээд хэмжээний чуулга уулзалт нь Нобелийн энх тайвны шагналтнууд болон тэдний харьяа байгууллагуудыг илүү халамжтай, энх тайван дэлхийг бий болгохын тулд хамтын санаа бодлоо хэрэгжүүлэхийн тулд тогтмол нэгдэх боломжийг олгосон юм.
"Тэр утга учиртай амьдралаар амьдарсан. Бид түүний эрх чөлөөг дэмжиж, цэрэггүй дэлхийг бий болгохын төлөө ажиллаж байсан урам зориг, тууштай байдлыг нь дуурайн түүний санаа зорилгыг үргэлжлүүлэх ёстой.”
