Энэтхэг, Бихар, Бодьгаяа - Бутан улсад саяхан болсон бүх нийтийн сонгуулийн дараа Дээрхийн Гэгээнтэн Далай Лам ерөнхий сайдаар сонгогдсон Тшерин Тобгайд захидал илгээж, түүнд халуун дотноор мэнд хүргэлээ.
“Төвдүүдийн хувьд бид Бутаны ард түмэнтэй түүхэн харилцаатай бөгөөд ардчиллын үнэт зүйлсийг тууштай баримталдаг хүний хувьд би сүүлийн хэдэн жил Дуг Гялпогийн алсын хараатай удирдлага дор танай улсын ардчилсан засаглал сайшаалтай хөгжиж ирсэн гэж дүгнэж байна.”
“Бутан өнөөдөр уламжлалт шашин соёлоо хадгалан орчин үеийн жишгээр хөгжиж байна. Таны бүрэн эрхээр энэ нь улам бэхжинэ гэдэгт би итгэлтэй байна. Манай хоёр ард түмэн буддын шашны өвөрмөц уламжлалтай билээ. Бидний сүсэг бишрэл зөвхөн итгэл дээр суурилдаггүй. Мөн бидний өвлөн авсан соёл уламжлал маань хүн төрөлхтөнд ач тустай болох нь нэн тодорхой билээ.”
"Бидний өвлөн үлдсэн Ганжуур, Данжуур нь Бурхан Багшийн айлдсан болон Энэтхэгийн мэргэдийн илүү тайван ертөнцийг бий болгоход чухал ач холбогдолтой оюун ухаан, сэтгэл хөдлөлийн үйл ажиллагааны талаар асар их мэдлэгийг агуулж байна."
Дээрхийн Гэгээнтэн төгсгөлд нь
"Таны эх орон, ард түмний сайн сайхны төлөөх үйлсэд тань өндөр амжилт хүсэн ерөөе" гэжээ.
