Энэтхэг, Химачал Прадеш, Дарамсала, Тэгчин Чойлин хийд – Дээрхийн гэгээн Далай лам ерөнхийлөгч асан Жимми Картерт 100 насны ойн баяр хүргэн мэндчилгээ илгээжээ. Тэрбээр түүний ийн урт насалж буй нь бусдад урам зориг өгөх амжилт юм хэмээн тодорхойлсон байна.
Дээрхийн гэгээн захидалдаа "Та баяраа хайртай дотнын хүмүүстэйгээ сайхан тэмдэглэж буй биз ээ. Туулсан амьдрал тань үнэхээр утга учир дүүрэн билээ. Таны бүтээсэн сайн сайхан үйл хэргийг би олон жилийн турш биширч ирсэн. Ийм урт удаан хугацаанд идэвхтэй амьдарч чадсан тань үнэхээр бишрэм юм. Бусдад тустай байхын төлөөх үргэлж санаагаа чилээж байдаг тань биднийг нэн их урам зоригоор тэтгэдгийг санан энэхүү захидлаар чин сэтгэлийн талархал дэвшүүлье" хэмээн дурджээ.
