2014 оны 1-р сарын 10, Гондиа, Махараштра, Энэтхэг – Төвөдийн шашны тэргүүн Дээрхийн гэгээн Далай Лам өнөөдөр тус мужийн Аржуни Моргаон дүүргийн Готангаон дахь төвөд дүрвэгсдийн Норгиелинг сууринд гурван өдрийн айлчлалаар ирлээ.
|
| Зураг. Дээрхийн гэгээн Далай лам Норгиелинг төвөд дүрвэгсдийн сууринд айлчлах үеэрээ сүсэгтэн олонтой мэндчилж буй нь … 2014 оны 1 сарын 10 , Махараштра, Энэтхэг Зургийг: Тэнзин Чойжор |
Арван жилийн дараа ирж буй буддын шашны тэргүүн Далай ламыг дүрвэгсдийн суурингийн дарга Дорж Ринзин, нарийн бичгийн дарга Пунцаг Топгял, буддын шашны лам хуврагууд, элэг нэгт төвөдүүд уламжлал ёсоор халуун дотноор угтан авав.
Бямба гарагт Далай Лам шашны болон соёлын олон арга хэмжээнд оролцох бөгөөд Нагяагюр Дрүпгье Чойпэллинг хийд, өндөр настны асрамжийн газар, Мэнцээхан (Түвдийн анагаах ухааны төв) болон бусад газруудаар айлчлах юм. Мөн тэрээр тус сууринд Жанрайсиг бурхны авшиг хүртээнэ.
Нобелийн Энхтайвны шагналтан тэрээр Ням гарагт соёлын арга хэмжээнүүдэд оролцсоны дараа Готангаон далан дээр морилон очиж, нутгийн иргэдэд хандан үг хэлнэ. Даваа гарагийн өглөө Дээрхийн гэгээн Райпур руу хөдлөх юм.
