Варанаси, 2006 оны 12 дугаар сарын 17 (PTI) —
Дээрхийн гэгээнтэн Далай лам өнөөдөр өндөр хамгаалалтын дор Сарнатх хот дахь Бурханы шашны ариун дагшин хийдэд саатан мориллоо. Дээрхийн гэгээнтэний энэхүү айлчлал зургаан өдрийн турш үргэлжлэх юм. Тэрбээр тус хийдийг адислан, залбирал өргөсөн бөгөөд Сарнатхын Бурханы шашны дээд сургуулийн хүрээнд лам хуврагууд болон холбогдох байгууллагын төлөөлөгчидтэй уулзав.
Далай ламын энэхүү өндөр түвшний айлчлалтай холбогдуулан Сарнатх орчимд аюулгүй байдлын онцгой, нарийвчилсан арга хэмжээг хэрэгжүүлсэн тухай цагдаагийн албаны эх сурвалж мэдээллээ.
Эх сурвалжийн мэдээлснээр, Дээрхийн гэгээнтэн маргааш Сарнатхын Бурханы шашны дээд сургуульд Олон улсын бурханы шашны холбооноос зохион байгуулж буй гурван өдрийн зөвлөгөөнд үг хэлэхийн зэрэгцээ айлчлалын хугацаандаа лам хуврагууд болон буддын шашны хамтын нийгэмлэгийн гишүүдтэй хамт номын айлдвар, хуралд оролцох юм.
