Ванкувер, Канад — 2006 оны 9 сарын 9 (AP) — Өмнө ердөө хоёрхон хүнд гардуулж байсан Канад улсын хүндэт иргэний өргөмжлөлийг Далай ламд гардууллаа.
Төвөдийг эрхшээлдээ аваад буй Хятад улсаас олон эсэргүүцэлтэй нүүр тулж байгаа Төвөдийн Бурханы шашны удирдагч Далай ламд Канадын засгийн газараас иргэншил олгох шийдвэрийг гаргасан байна.
“Манай агуу улсад тавтай морил,” хэмээн Цагаачлалын сайд Монте Солберг Нобелийн энх тайвны шагналт Далай ламд 12,000 хүний өмнө хандан хэлээд “Бид таны сайхан сэтгэл, энэрэл нигүүлслийн тухай сургаалаа түгээхээр Канад улсад ирэх бүрд чинь баяр хөөртэйгөөр угтах болно.” гэхэл ихэвчлэн яриасаг байдаг Далай лам энэ удаа үг хэлэхдээ сэтгэл хөдөлжээ, “Одоо би энэ улсын иргэн боллоо” гэж тэрээр хэлээд, “энэ иргэншлийг хүлээн авч байгаа нь нэр төрийн хэрэг” хэмээв.
Канад улс өмнө нь Өмнөд Африкийн удирдагч Нельсон Мандела, Дэлхийн II дайны үеэр еврейчүүдийг устгалаас аварсан Шведийн дипломат Рауль Валленберг нарт хүндэт иргэншил олгож байсан юм. Солберг засгийн газарын шийдвэрийг батламжилсан бичигтэй өргөмжлөлийг Далай ламд гардуулах үед олон хүн Канадын төрийн дуулал болох “О, Канада” дууг дуулжээ.
Бээжин Канадын Засгийн газарт гомдол илэрхийлж, уг үйл явдал хоёр улсын харилцаанд сөргөөр нөлөөлж болзошгүйг анхааруулсан байна. Гэсэн хэдий ч Канадын Гадаад харилцааны яам “Канад улс Төвөдийн хууль ёсны засгийн газар Хятад улс мөн хэмээн хүлээн зөвшөөрдөг хэдий ч Далай ламд гүн хүндэтгэлтэй ханддаг” гэж мэдэгджээ.
Далай лам энэ удаагийн айлчлалынхаа хүрээнд боловсрол, энэрэл нигүүлсэл, эрүүл мэндийн асуудалд анхаарч, Ванкувер хотноо “Далай ламын Энх тайван ба боловсролын төв”-ийг нээсэн бөгөөд энэ нь түүний нэрээр нэрлэгдсэн анхны төв юм. Тэрээр Ванкувер хотыг олон янзын угсаатан найрсагаар сууршин байдаг болохоор нь сонгосон бөгөөд “Энэ бол цэвэр боловсролын шинжтэй, ямар нэгэн улс төрийн зорилго агуулаагүй” хэмээн пүрэв гаригт мэдэгдэл гаргасан байна.
Тус төвийн зөвлөх гишүүдэд АНУ-ын ерөнхийлөгч асан Жимми Картер, Чехийн ерөнхийлөгч асан Вацлав Хавел, Өмнөд Африкийн архибишоп Десмонд Туту нар багтжээ. Бямба гаригийн өглөө Далай лам зохиолч Дипак Чопра болон бусад ороцогч нартай хамт “сэтгэцийн эрүүл мэндэд аз жаргал болон срессийн нөлөө” сэдэвээр хэлэлцээнд оролцлоо.
Далай лам энэ айлчлалынхаа туршид энэрэл нигүүлслийн тухай сэдвийг дахин дахин онцолж, хүн бүр эх хүн үрээ хайрладаг шиг энэрэн хайрлах сэтгэлийг тээх хэрэгтэйг онцлов. Чопра мөн энэ сэдвийг хөндөн, “Хэрвээ бид ертөнц дахь хамгийн чухал ажилыг “эх хүн” болговол дэлхийд энх тайван тогтох боломжтой юу?” гэж асуусан байна.
Далай лам ням гаригт нийгмийн болон бизнесийн салбарын удирдагчидтай хаалттай уулзалт хийсэн бөгөөд үүнд: Массачусетсийн Технологийн хүрээлэнгийн ахлах багш, “Нийгмийн зохион байгуулалтын сургалт”-ыг үүсгэн байгуулагч Петер Сенге зэрэг хүмүүс багтажээ.
