АНУ, Нью-Йорк – Дээрхийн гэгээн Далай лам Керала мужийн Ерөнхий сайд Пинарай Вижаянд тус мужийн Ваянад бүс нутагт болсон асар том хөрсний нуралтаас үүдэн олон хүний амь хохирч, бэртэж гэмтсэн, эд хөрөнгө сүйдсэнд эмгэнэн гашуудаж буйгаа илэрхийлсэн захидал бичжээ.
Дээрхийн гэгээн захидалдаа “Хайртай дотнын хүмүүсээ алдсан, гамшигт нэрвэгдсэн бүх хүнд эмгэнэж буйгаа илэрхийлж, залбиръя.
Мужийн захиргаа, холбогдох бүх байгууллага гамшгийн улмаас хохирсон хүмүүст туслах ажлыг зохион байгуулж байгаад баярлаж байна. Керала мужийн ард түмэнтэй эв санааны нэгдэлтэй буйгаа илэрхийлж би авран хамгаалах, туслах үйл ажиллагаанд зориулж хандив өргөхийг хүссэн албан хүсэлтээ “Далай ламын сан”-д илгээлээ” хэмээн дурджээ.
