Ноттингхэм, Их Британи, 2008 оны 5-р сарын 27 (Төвдийн оффис, Лондон) – Хэдэн сарын өмнө товлосны дагуу, Далай лам өнөөдөр үдээс хойш Ноттингхэмшир тойргийн зөвлөлөөс түүнд тусгайлан зориулсан хүлээн авалтад оролцсон бөгөөд орон нутгийн албаны хүмүүс болон иргэд түүнийг халуун дотноор хүлээж авлаа. Орон нутгийн засаг захиргааны дээд удирдлагууд, ажилтнууд болон бусад зочид уригдсан тус албан ёсны арга хэмжээний үеэр Ноттингхэмшир тойргийн зөвлөлийн дарга Жоан Тейлор “тус тойргийн иргэдийн төлөөлөгчдийн зөвлөлийн танхимд Нобелийн энх тайвны шагналтан Далай ламыг хүлээн авч байгаа нь нэр төрийн хэрэг” гэв. Тэрбээр “Дээрхийн гэгээнтнийг танилцуулах хэрэггүй боловч, дэлхийн энх тайван, эв найрамдалд хүрэхийн тулд түүний ер бусын хандлага, үйл хэрэгт талархахгүй байхын аргагүй. Түүний мэргэн ухаан, даруу байдал, хошигнол, эелдэг зан надад гүнзгий сэтгэгдэл төрүүлдэг, бас биширдэг" гэж тэмдэглэн хэлсэн.
Тус арга хэмжээний өмнө Дээрхийн гэгээнтний айлчлалыг тэмдэглэж Трент голын эрэг дээрх Зөвлөлийн Танхим (Country Hall)-ын гадаа мод тарих ёслолд Дээрхийн гэгээнийг урьсан юм. Мод тарих талбайд цугласан олон нийт, албаны хүмүүс халуун дотно хүлээж авсны хариуд Дээрхийн гэгээн гараа даллаж, талархаж буйгаа илэрхийлэн, орон нутгийн иргэд Төвдийн далбааг мандуулж байгааг хараад 1954-1955 онд Хятадад айлчилж, Мао даргатай уулзах үеэр Хятадын удирдагч Төвдийн далбааны талаар асууж, түүнийг сахин хамгаалах нь хэчнээн чухал болохыг хэлж байсныг дурсав. Дээрхийн гэгээн түүнийг дагалдаж явсан гэрэл зурагчид болон сурвалжлагчид хандан "Та бүхэнд энэ далбааг мандуулах зөвшөөрлийг Мао дарга өгсөн" гэв. Дээрхийн гэгээн Ноттингхэмшир тойргийн зөвлөлийн даргаас тусгайлан хийсэн шилэн эдлэлийг бэлгэнд хүлээн авахдаа түүнийг халуун дотно хүлээн авсан иргэдэд талархал илэрхийлэв. Тэрбээр Ноттингхэм хотын байгальд сэтгэл хангалуун бөгөөд шувуудын жиргээг сонсоход таатай байна гэжээ. Дараа нь хотын ажилтнууд болон бусад хүмүүст нэг баярт мэдээ гэвэл, Дээрхийн гэгээний айлчлалыг зохион байгуулагчид яагаад Ноттингхэм хотыг олон нийтийн лекц, айлдвар сонсгох газраар сонгосон нэг шалтгаан нь хэд хэдэн хотоос харьцангуй "хямд" байсан тул түүнийг сонсохоор ирсэн олон хүнд тустай байсан гэж тэр хэлэв. Дээрхийн гэгээн тус хотод байхдаа өглөө бүр хоёр цаг Зонховын "Бурханаас хамааралтай гарал үүслийн тухай айлдсан магтаал" номын сургааль айлдсан юм. Их Британи, Европ, Америкийн олон газраас ирсэн 5000 орчим Бурханы шашны сүсэгтнүүд голдуу оролцсон айлдварын үеэр Дээрхийн гэгээн оролцогчдын асуултад хариулт, тодруулга өгч байв. Шүгдэнг шүтэх эсэх маргаантай асуултад Дээрхийн гэгээн хариулахдаа, тэрбээр Шүгдэнг шүтэхээс татгалзсан шалтгаан нь Бурхан багшийн гүн гүнзгий сургаалийг "сүнсний мөргөл" болгон доройтуулж, Төвдийн бурхны шашны дөрвөн гол сургуулийн хооронд эв найрамдал, эв нэгдлийг дэмжихэд саад тотгор болж буйтай холбоотой гэв. Дээрхийн гэгээн өөрийгөө багштаны хувьд Төвдийн ард түмний ашиг сонирхол, сайн сайхан байдлыг харгалзан шавь нартаа Шүгдэнгийн сүнсийг номхотгохыг зөвлөдөг гэж хэлсэн. Тэрбээр "Төвдүүд бид хүнд хэцүү үеийг туулж байна. Гэвч эрх чөлөө, ардчиллыг дэмжигч хүний хувьд би юуг ч хориглож чадахгүй. Тиймээс тэд хүлээж авах эсэх нь тэдний хэрэг" гэдгийг дурдсан. Энэ орой Монголын Элчин сайдын яамны хүсэлтээр Лондон дахь Төвдийн оффис зохион байгуулсан арга хэмжээнд 700 орчим монголчууд оролцов. Дээрхийн гэгээнийг Их Британид амьдран суугаа монгол иргэдэд цаг заваа зориулж байгаад Монголын ЭСЯ-ны зөвлөх талархал илэрхийлж, Монголчуудын нийгэмлэгийн дарга монгол ёс заншлын дагуу сүүн өргөл Далай багшид өргөв. Дээрхийн гэгээн монголчуудад хандан Монгол, Түвдийн ард түмэн эртнээс түүхэн болон шашны харилцаатайг дурсав. Монгол улс Зөвлөлт Оросын нөлөөн дор шашин шүтлэгийг эрх чөлөөгөө урт хугацаанд алдсан байсан тул, дүрвэгчийн статустай хэдий ч төвдүүд монголчуудад Бурханы шашны мэдлэгийг түгээхэд тусалдаг талаар Далай лам ярьсан. Тэрбээр “Зөвхөн тарни унших нь хангалтгүй. Бурханы шашны гүн ухааныг судалж, хэлэлцүүлгийн бүлгүүд байгуулах хэрэгтэй. Буддизм өөрөө маш оюунлаг бөгөөд логик дээр суурилдаг тул, ойлгох бол мухар сүсэг болж магадгүй" гэж хэлээд Бурханы шашны "харилцан хамаарал" гэсэн ойлголтыг мэргэжлийн салбарт ч ашиглаж болно гэж нэмж дурдав. Далай Ламын Лондон дахь төлөөлөгч Ноён Цэрэн Ташигийн хэлснээр Дээрхийн гэгээн Ноттингхэмд хүрэлцэн ирж, яриа хэлэлцээ хийхэд орон нутгийн иргэд, албаны болон бусад хүмүүс халуун дотноор хүлээн авч байгаад маш их талархан, Төвдийн шашин, улс төрийн удирдагч хаана ч явсан гүн хүндэтгэлтэй хандаж байгааг өгүүлэв. "Олон нийтийн яриа, айлдварын эхэнд Дээрхийн гэгээн тайзнаа гарах бүрд, бас тайзнаас буух үед хүмүүс суудлаасаа босч удаан алга ташин, түүнийг хүрэлцэн ирсэнд болон түүний мэргэн ухааныг хүндэтгэн, талархаж буйгаа илэрхийлж байсан" гэж Ноттингхэм дэх айлчлалын үеэр Дээрхийн гэгээнтэнг дагалдан яваа Ноён Цэрэн Таши хэлэв. Пүрэв гарагийн өглөө Дээрхийн гэгээн Оксфорд хот руу явах бөгөөд тэрээр Христийн болон Бурханы шашны залбирал, бясалгалын семинарт Бурханы шашны ерөнхий ойлголтын талаар гол илтгэл тавихаар уригдсан байна. Өчигдөр Дээрхийн гэгээн Ноттингхэм хотын Зөвлөлийн гишүүд болон албаны хүмүүстэй уулзсан бөгөөд тэрбээр 5-р сарын 24-ний өдрөөс тус хотод эхэлж буй тав хоногийн айлчлалын хүрээнд олон нийтийн лекц, сургаалв айлдвар уншиж сонирдуулна. Ноттингхэм хотын Зөвлөлийн дарга, Ноттинхэм Арена танхимын гүйцэтгэх захирал нар Дээрхийн гэгээн тус хотод хүрэлцэн ирсэнд болонэнэхүү айлчлалаараа тус хотыг олон улсын түвшинд гаргаж, шашны ба энх тайвны уур амьсгалыг цогцлоосонд талархал илэрхийлэв. Лондон дахь Төвдийн оффисын мэдээ |
