|
Энэтхэг, Бангалор хот, Карнатака - Төвөдийн оюун санааны удирдагч Дээрхийн гэгээн Далай лам Энэтхэг улс руу дүрвэн, олон жил амьдарсан тул оюун санааны хувьд энэтхэг хүн мэт болжээ хэмээн Пүрэв гарагт хэлэв. Дээрхийн гэгээн Энэтхэгийн Батлан хамгаалахын сайд асан Жорж Фернандест баяр хүргэх ёслолын үеэр "Би бээр 50 гаруй жил эх орноосоо дайжин одсон хүмүүн билээ. Энэ олон жил Энэтхэг улсын Засгийн Газрын зочин мэт амьдарлаа" гэж хэлэв. Эдүгээ 72 насыг зооглож буй Дээрхийн гэгээн 24 настайдаа эх орноосоо дүрвэн гарсан тухайгаа ярихдаа “Миний амьдралын хамгийн сайхан үе энэ улсад өнгөрсөн. Миний амьдралын ихэнх хэсэг ч энэ улсад өрнөдөг" хэмээн айлдав. Дээрхийн гэгээн Энэтхэг улсад он удаан амьдарсан болохоор түүний "дотоод үнэт зүйлс", "сүнслэг мөн чанар" нь ч энэ улсаас үүдэлтэйг дурдав. "Энэтхэгийн оюун санааны соёл миний оюун бодлыг дүүргэжээ. Би оюун санааны хувьд хэдийн энэтхэг хүн болж. Энэтхэгчүүд эрх чөлөөнийхөө тэмцлийн үеэр харуулсан хичээл зүтгэл, үзэл санаатай байсан бол Энэтхэг улс дотоодын олон асуудлаа шийдэж чадна” хэмээн айлдав. |
