2012 оны 06 дугаар сарын 27-ны өдөр Милан хот, Итали улс
Италийн загвар, худалдааны төв хэмээн алдаршсан Милан хотноо Дээрхийн гэгээний номын айлдвар өнөөдөр боллоо. Тэрээр Богд Зонховын “Гэгээрлийн гурван гол зүйл” хэмээх гэгээрлийн зам мөрийг товч, тодорхой гаргасан нэгэн сургаалыг айлдлаа.
|
Зураг. Дээрхийн гэгээн Далай лам Италийн TGI телевизэд ярилцлага өгч буй нь. Итали, Милан хот. 2012 оны 06 дугаар сарын 27.Зургийг: Жереми Рассел / OHHDL |
Италийн загвар, худалдааны төв хэмээн алдаршсан Милан хотноо Дээрхийн гэгээний номын айлдвар өнөөдөр боллоо. Тэрээр Богд Зонховын “Гэгээрлийн гурван гол зүйл” хэмээх гэгээрлийн зам мөрийг товч, тодорхой гаргасан нэгэн сургаалыг айлдлаа.
Номын айлтгалын өмнө Дээрхийн гэгээн Италийн TG1 телевизэд богино ярилцлага өгч түүнээс одоогийн нөхцөл байдалд олон улсын хамтын нийгэмлэг Төвдөд хэрхэн тусалж болох талаар асуухад тэр юуны өмнө Төвдийн асуудалд санаа зовниж, Хятадын Төвд дэх бодлогыг шүүмжилж буй Хятадын сэхээтнүүд болон тэтгэвэрт гарсан албаныхны тоо өсөж буйг онцоллоо.
Үргэлжлүүлэн дэлхий дахинд Төвдийн экологийн эмзэг байдал, байгаль орчны доройтол өсөн нэмэгдэж байгаа нь олон улсын анхаарлыг татаж байгааг бөгөөд Бурхан багшийн сургаалийг бүрэн төгөлдөр, уламжлалаа сайн хадгалж үлдсэн хэмээн үнэлэгддэг учраас Төвдийн буддизмд хандах олон улсын хандлага нэмэгдсээр байна. Засгийн газрын түвшинд Хятадтай харилцах эдийн засгийн харилцааг авч үзэх шаардлагатай хэдий ч Хятадын ард түмэн Төвдийн талаар санаа зовниж байгаатай адил олон улсын дэмжлэг маш чухал ач холбогдолтойг тодрууллаа.
Цааш, дэлхий ертөнцөд юу хэрэгтэй талаар асуухад “Бидэнд материаллаг хөгжил хэрэгтэй ч энэ нь сэтгэлийн амар амгаланг авчирдаггүй. Жинхэнэ баяр баясал дотоод үнэт зүйлээ хөгжүүлэхээс эхлэнэ” хэмээв.
|
| Зураг. Дээрхийн гэгээн Далай лам Миланы сүмд зочилж буй нь. Итали, Милан хот. 2012 оны 6 дугаар сарын 27. Зургийг: Тэнзин Чойжор / OHHDL |
Шашин хоорондын эв нэгдлийг дэмжих үйлсийн хүрээнд Дээрхийн гэгээн Медиланум Форум явах замдаа Миланы сүмд зочилж богино мөргөл үйлдлээ. Түүнийг Монсиньор Луижи Манганини болон Монсиньор Жордано Ронки нар угтан авч, Далай лам хүндэтгэл үзүүлэн хэсэг хугацаанд нам гүм залбирлаа.
Дээрхийн гэгээн Медиоланум Форумын тайзнаа гарах үед түүнийг хүлээж байсан 8000 хүн баяр хөөр болон халуун алга ташилтаар угтан авав. Тэрээр “Би та бүхэнтэй энд уулзаж байгаадаа маш их баяртай байна. Бид бүгдээрээ адилхан хүн. Бидэнд гайхамшигтай оюун ухаан байна, заримдаа энэ нь бидэнд асуудал үүсгэдэг ч, энэрэнгүй сэтгэлээр хөглөбөл асар их бүтээлч хүч болдог. Энэ утгаар бид авч үзвэл ёс суртахуунтай байхын үнэ цэнийг ойлгох маш чухал. Хүн бүрт сайн, муу аль аль нь байдаг. Гэхдээ бид төрсөн цагаасаа л эхийн хайр халамжаар дамжин энэрэнгүй, дулаан сэтгэлийг хөгжүүлэх ур ухаантай болдог” хэмээв.
Пали уламжлалын лам нар Мангал судрыг уншсаны дараа Дээрхийн гэгээн Буддизмыг бусад шашны уламжлалуудаас ялгаж буй зүйл нь “Би” үзлийг онцгойлон авч үздэгт оршино гэдгийг тайлбарлав. Буддын сургаалд “Би” гэж нэрлэгдэх зүйл байдаг ч энэ нь зөвхөн нэр томъёоны түвшинд оршдог, бодит, бие даасан оршихуй биш.
“Би”-ийн тухай буруу төсөөлөл нь мунхагийн хамгийн том үндэс бөгөөд хоосон чанарыг нэг удаа сонсоод ойлгох боломжгүй, харин билиг ухааныг үе шаттайгаар хөгжүүлэх хэрэгтэйг тэмдэглэв. Гэвч зөвхөн оюуны түвшинд ойлгоод хангалтгүй, тусгай випашяна бясалгалтай хослуулах шаардлагатай гэлээ.
|
| Зураг. Дээрхийн гэгээн Далай лам Милан хотод хэвлэл мэдээллийн төлөөлөлтэй уулзах үеэр үг хэлж буй нь. Итали, Милан хот. 2012 оны 06 дугаар сарын 27.Зургийг: Тэнзин Чойжор / OHHDL |
Үдийн цайны дараа Дээрхийн гэгээн хэвлэл мэдээллийнхэнтэй уулзахдаа өөрийн хоёр гол зорилгын тухай танилцуулав. Нэгдүгээрт, хүний жинхэнэ аз жаргалын эх үүсвэрийн талаар мэдлэгийг түгээх. Хоёрдугаарт, шашин хоорондын эв нэгдэл, харилцан ойлголцлыг дэмжих явдал. Шашин шүтдэг эсэхээс үл хамааран хүн бүрт сайн, муу аль алинд нь хазайх боломж байдаг ч дотоод үнэт зүйл болон нийтлэг ёс зүйг хөгжүүлэх ухамсар энэ хандлагыг тэнцвэржүүлж чадна гээд хэвлэл мэдээллийнхэн хаана ч явсан үнэн бодит мэдээллийг олон нийтэд хүргэдэг байхын чухлыг онцоллоо.
Тэрээр номын айлтгалдаа эргэн орж Богд Зонховын сургаалийн утгыг тайлбарлав. Номын эрдэмтэн, гүн бясалгагч Богд Зонхов өөрийн шавь Гялронгийн Нгаванг Дракпагийн зөвлөмж хүссэн захидалд хариу бичсэнээр уг сургааль гарсан гэдэг. Энэ нь Буддын гэгээрлийн зам мөрийг шат дарааллаар нь тайлбарладаг. Үүнд:
сансрын үйлийн хүлээсээс ангижрах хүсэл эрмэлзэл,
бие даасан, мөн чанартай “оршихуй” үгүй гэдгийг ухаарсан гүн билиг ухаан юм.
Эцсийн энэ зарчим нь аливаа юмс, үзэгдэл бие даан, өөрийн хүчээр оршдоггүй, харин шалтгаан, нөхцөлд тулгуурлан үүсдэг гэсэн Буддын онолтой холбоотой. Өөрөөр хэлбэл эд зүйлс, бидний “би” гэсэн ойлголт хүртэл бие даасан мөн чанартай зүйл биш гэсэн үг.
Энэрэнгүй, бусдын төлөө гэсэн бодь сэтгэлийг энэ үүнтэй хослуулснаар “Би” хандлагыг сулруулж, илүү уужуу ухааныг төрүүлдэг хэмээн тайлбарлав.
|
ураг. Дээрхийн Гэгээн Далай лам Милан хот дахь номын айлдварын үеэр. Итали, Милан хот. 2012 оны 06 дугаар сарын 27. Зургийг: Тэнзин Чойжор / OHHDL |
Дээрхийн гэгээн айлтгалынхаа төгсгөлд,
“Хүү минь, дотооддоо төвлөрөх боломжтой амар тайван газар бай
Тэгээд сэтгэлдээ урам зориг бүхий хичээл зүтгэлийг төрүүл
Тэгвэл чи зорьсон гэгээрлийн замдаа хурдан хүрнэ” хэмээн захив.
Тэрээр мөн өглөө эрт, оюун санаа хамгийн тунгалаг байдаг үед энд сонссон зүйлсээ дахин бодож, юмс хэрхэн харагддаг болон бодит чанар нь хэр ялгаатай болохыг тунгаахыг зөвлөв. Би өглөө 03:30 цагийн үед сэрэхдээ Бурхан багшийн сургааль, түүний бусдын төлөөх энэрэл, хоосон чанарын тухай боддог. Дараа нь бие, хэл, сэтгэлийн үйлээ бусдын тусын төлөө зориулахыг хүсэн ерөөдөг. Христийн шашинтан, мусульман хүмүүс ч үүнийг өөр өөрийн уламжлалд тохируулан хэрэгжүүлж болно. Энэ бол миний дотоод амар амгаланд ихээхэн хувь нэмэртэй хэмээн өгүүлэв.
Маргааш өглөө Дээрхийн гэгээн Авалоиктешвара бурханы авшиг хайрлаж үдээс хойш “Бүх дэлхийн ёс зүй” сэдвээр олон нийтэд зориулсан айлдвар хийгээд орой нь тэрээр Энэтхэг рүү буцах аялалдаа гарах юм.
