Дээрхийн гэгээн XIV Далай лам Топ 25 улс төрийн домогт зүтгэлтний нэгээр нэрлэгдэв 2011 он 2 дугаар сар 5

2011 оны 2 дугаар сарын 6-нд АНУ-ын ерөнхийлөгч асан Роналд Рейганы мэндэлсний 100 жилийн ой тохиож байна. Сүүлийн үеийн улс төрийн удирдагчдаас цөөн хэд нь л Рейганы харизм, урт хугацааны нөлөөг давтаж чаджээ. Бид түүхэнд нэрээ мөнхөрсөн бусад дэлхийн удирдагчдыг сонирхож байна.

Далай лам, Фэйфэй Сүн бичсэнээр...

Тоолж баршгүй олон төвөд хүний хувьд Дээрхийн гэгээн XIV Далай лам бол шашны төдийгүй төрийн тэргүүн юм. Харин дэлхий дахины олон нийтийн хувьд Тэнзин Гяцо нь зөвхөн төвөд үндэстний эрх ашгийн илэрхийлэгч төдийгүй төвөдийн буддын шашны үнэ цэн, шашин хоорондын эв найрамдалт байдал хийгээд энх тайвны төлөөх нэр хүндтэй төлөөлөгч юм.

Тэрээр хэдэн арван жилийн турш, 1959 оноос цагаачлалд байх хугацаандаа ч Төвөд, БНХАУ-ын хоорондын хурцадмал харилцааг шийдвэрлэхийн төлөө ажиллаж ирсэн. Махатма Ганди, Мартин Лютер Кинг тэргүүт энх тайвныг эрхэмлэгчдийн жишгээр Дээрхийн гэгээн XIV Далай лам энэрэх сэтгэл, хүчирхийлэлгүй зарчмаар асуудлыг шийдвэрлэхийг эрмэлздэг. 1989 онд түүнийг энэ хүчин чармайлтынх нь төлөө Нобелийн Энх тайвны шагналаар шагнасан. Дээрхийн гэгээн XIV Далай ламын даруу зан нь олон улс орны ерөнхийлөгчид шашны удирдагчдын хүндэтгэлийг хүлээж, дэлхийн тавцанд Төвөдийн асуудалд анхаарал хандуулах боломжоор хангаж ирсэн. 1998 онд нийтэлсэн “Аз жаргалын урлаг” ном нь АНУ-д гэхэд 1,5 сая хувь борлогдож, “Нью-Йорк Таймс” сэтгүүлийн шилдаг борлуулалтын жагсаалтад хоёр жил багтаж байв. Гэсэн ч Дээрхийн гэгээн XIV Далай ламын талаарх Бээжингийн хандлага өөрчлөгдсөнгүй. Хятадын эрх баригчид түүнийг үл тоомсорлон, "Занч нөмөрсөн чоно" хэмээн доромжилж, тэр их биеийг нас эцэслэхийг хүлээж байгаа мэт харагддаг. Дэлхий нийтээс хүлээсэн өрөвдөх сэтгэл, хүндэтгэлийн дунд түүний ард үлдэх өв нь гаслант бөгөөд урам хугарсан байж мэднэ.

Топ 25 улс төрийн нөлөө бүхий домогт зүтгэлтнүүдийн жагсаалт: