АНУ, Миннесота, Рочестер- Дээрхийн Гэгээнтэн Далай Лам Тайванийн Ерөнхийлөгч Ма Еинг Жеоү-д саяхан Тайнань хотод газар хөдөлж, гамшиг тохиосонд эмгэнэл илэрхийлэн захидал илгээжээ. Тэрээр захидалдаа гамшигт нэрвэгдэж амь нас, эрүүл мэнд, эд баялагаараа хохирсон хамаг олны сайн сайхны төлөө залбирч буйгаа илэрхийлсэн байна.
Мөн Дээрхийн Гэгээнтэн Далай Лам Тайванийн ард түмэнтэй эв нэгдэлтэй буйгаа илэрхийлж аврах болон тусламжийн үйл ажиллагаанд хандив өргөв.
Тайваны буддистууд Дээрхийн Гэгээнтэн Далай Ламаас Тайванийн ард иргэдийн төлөө "Билгүүний Зүрхэн" судар уншихыг хүсчээ.
